156
LIBER II. SECTIO I.
Praeterea haec methodus eo quoque se commendat, quod nullo negotio
aestimari potest, quantas variationes elementa patiantur, si manentibus locis ex
tremis medius paullulum mutetur: hoc itaque modo iudicium ferri poterit quale
cunque de gTadu praecisionis elementis inventis tribuendae.
125.
Levi mutatione applicata e methodo praecedente secundam eliciemus. A
distantiis in duabus observationibus profecti, perinde ut in illa, cuncta elementa
determinabimus; ex his vero non locum geocentricum pro observatione tertia
computabimus, sed tantummodo usque ad locum heliocentricum in orbita progre
diemur; ex altera parte eundem locum heliocentricum per problema in art. 74. 75.
tractatum e loco geocentrico observato atque situ plani orbitae derivabimus; hae
duae determinationes inter se differentes (nisi forte valores veri ipsarum x, y
suppositae fuerint), ipsas X, Y nobis suppeditabunt, accepta pro X differentia
inter duos valores longitudinis in orbita, atque pro Y differentia inter duos va
lores radii vectoris, aut potius logarithmi eius. Haecce methodus iisdem moni
tionibus obnoxia est, quas in art. praec. attigimus : adiungere oportet aliam, scilicet,
quod locus heliocentricus in orbita e geocentrico deduci nequit, quoties locus terrae
in alterutrum nodorum orbitae incidit; tunc itaque hanc methodum applicare non
licet. Sed in eo quoque casu, ubi locus terrae ab alterutro nodorum perparum
distat, hac methodo abstinere conveniet, quoniam suppositio, variationibus parvis
ipsarum x, y respondere variationes proportionales ipsarum X, l 7 , nimis erronea
evaderet, per rationem ei quam in art. praec. attigimus similem. Sed hic quoque
remedium e permutatione loci medii cum aliquo extremorum, cui locus terrae a
nodis magis remotus respondeat, petere licebit, nisi forte in omnibus tribus obser
vationibus terra in nodorum viciniis versata fuerit.
126.
Methodus praecedens ad tertiam illico sternit viam. Determinentur, per
inde ut ante, e distantiis corporis coelestis a terra in observationibus extremis
longitudines respondentes in orbita cum radiis vectoribus. Adiurnento positionis
plani orbitae, quam hic calculus suppeditaverit, eruatur ex observatione media
longitudo in orbita atque radius vector. Tunc autem computentur ex his tribus
locis heliocentricis elementa reliqua per problema in art. 82. 83. tractatum, quae