137 
modis fieri possunt, sed semper prae eaeteris aptam rationem et 
velut in hoc destinatam, habet rerum natura. In Quadraturis 
ipsis duo adhuc potissimum desidero; unum pro Constructione, 
alterum pro Analysi. Nam etsi constructionem illam praedictam 
habeam, desiderarem tamen alias adhuc ad scientiae augmentum: 
et inter alia praestat reducere Quadraturas ad Rectificationes Cur 
varum, quam contra, ut vulgo fieri solet; eaque de re dudum 
cum successu cogitavi: nam simplicior utique est dimensio lineae, 
quam dimensio superficiei. Pro Analysi autem desidero reductio 
nem Quadraturarum omnium ad certa quaedam genera, quae inter 
se invicem sint irreducibilia, aptasque in eam rem valorum expres 
siones velim. 
Cum illustri Viro Dom. Marchione Hospitalio quae Tibi fuit 
liticula, compositam puto. Quanto pauciores sunt solidae scien 
tiae cultores, eo magis eos inter se amicos esse convenit. Sunt 
tot alii, quos appello mercenarios in literis, qui nihil agerent, nisi 
vel necessitate, vel pravis cupiditatibus impellerentur. Hos inter 
se conflictari sinamus. 
Vale et Dom. Fratrem Tuum, mihi aestimatissimum, a me 
officiose saluta. 
Dabam Hanoverae 21. Martii 1694. 
III. 
Joh. Bernoulli an Leilmiz. 
Si Patria mihi abiturienti manum injecit, hoc tanto indignius 
fero, quanto majori spe, quam de laribus vestris mihi jamjam in 
visendis conceperam alebar: Repeto et denuo repetam, nec aliter 
potero quam deplorare sinistram meam sortem, quae me ab Ampl. 
Tuae praesentia separatum tenet. Utinam consilium et medium 
superstes esset, quod me in viciniam vestram vocaret. Sane Pa 
tria neque retentionis, neque retractus jus in me haberet: nec ejus 
dulcedo, vel etiam ipsa Fratris consuetudo me teneret devinctum; 
sed Fata regunt omnia. Caeterum tot tantisque Tui erga me af 
fectus testimoniis abundat nupera Ampl. Tuae epistola, ut tantum 
non pudibundus obmutescam. Quae mihi attribuis, Tibi debentur;