Scientiae quam novam appellare ausim tentamenta quaedam, 
SERENISSIME DUX, in regia vestra relinquo, insignium quos habes 
in his aliisque literis virorum judicio si videbitur publicanda. 
Caeterum nemini majore jure si quid in bis est boni, quam ei 
Principi debebatur, qui haeredilario jure a divis majoribus non 
populorum magis quam scientiarum curam possessionemque acce 
pit, et summo judicio ac splendore tantum decus tuetur. Tuae 
familiae Europa translatam ad Italos Graeciam et cunabula debet 
renascentium literarum. Sed tanto beneficio contenti non fuistis. 
Majus aliquid a vobis orbi datum est, veritates scilicet inauditae 
seculis, per quas in rerum arcana admissi sumus. Vobis enim 
faventibus nata, vestra cura suscepta atque educata sunt immor 
talia Galilaei monumenta, quae inscripta coelo Medicea nomina per 
petuo posteritatis consensu loquentur. Vobis natura divites sinus 
aperuit, et nova sidera atque inexpectatam Mundi faciem osten 
dit. In vestra ditione nova Motuum doctrina effulsit, unde pen 
dulorum auxilia ad tempora metienda et spatia locorum dijudicanda 
tanto fructu prodiere. Hoc vere dignum Principe est beneficentia 
ampliare limites suos, et meritis late patentibus genus humanum 
complecti. Ad me vero nunc privatim agnoscendi publici debiti 
gratitudo pertinet in limine operis, quod prosequitur coepta Ga 
lilaei. Ille fundamenta jecit, nos parietes quosdam erigimus; 
erunt qui caeterea absolvant et fastigia paulatim imponant. Ille 
quidem Motuum accelerationem a gravitate profectam in lucem 
protulit, nos initiis illis adjuti invenimus veram potentiae corpo 
reae aestimandae rationem, unde jam generales quaedam rerum 
leges sane admirabiles nascuntur, et parum cognita hactenus cor 
poris ac motus natura magis magisque patet, magno etiam ad 
pietatem fructu. Nunc sese paulatim aperit incredibile C onditoris