Vrvs- -VV;
HHHHI
- « - •
me impulit. Etenim non ignorat S. C. T. in astronomicis studiis elucere
stupendam Creatoris sapientiam; itaque ut debitas illi laudes accinat huma
num genus omnino interesse Reipublicae spiritualis et politicae, ut haec
studia quotidie magis atque magis amplificentur, et quo pluribus communi
cari possint, faciliora atque dilucidiora reddantur. Vicissim vero tanta est
in eruendis hujus artis mysteriis difficultas, tantus in percipiendis, proponendis
atque instillandis ingenii labor, tam exigua praesidia ad tolerandas vitae
communes necessitates, ut non sit metuendum reipublicae, ne nimis multi,
neglectis aliis humani generis necessitatibus, ad has uti quidam putant
otiosas et supervacuas speculationes sese conferant: quin potius, si quo
tempore unus aliquis inter inultos ingenio donatus est a Deo, quod his
studiis aptum, hunc videmus confestim ab universis prudenter quidem incitari
ad totum se his studiis dandum, alia omnia in parergis habenda. Quod
idem nisi etiam mihi eveniret et nisi viri clarissimi me cohiberent, quorum
judicia de mea in his artibus dexteritate non aspernanda sunt, jam pridem
hisce omissis ad alia reipublicae et mihi magis necessaria me recepissem.
Etsi enim in praesens sub S. Caes. Majestatis tutela tranquille quiesco et
stipendio fruor honesto, tam expedito quam id patiuntur onera bellica,
tamen perpetuus mihi monitor ad latus est Prometheus et interdum impor
tunius aures vellit illud succinens : „nam messis non semper erit, componite
nidos.“
Itaque ne S. C. T. indigne ferat, si veluti vitis debilissima arbuscula
suos capreolos ad proceras ulmos, sic ego humillimas meas preces ad S. C. T.
dirigam eamque subjectissime orem, ut et ipsa mea studia in potentissimam
suam tutelam recipiat iisque blandum et amicabile lumen clementiae suae
ad momentum aliquod velut eminus indulgeat, quo et in praesens recreentur
et si qua olim procella immitior imminebit, spe non vana veluti optima
duca ad tranquillos portus aspirent.
Literae Kepleri aliorumque mutuae de rebus Opticis.
