D. Rudolpho II. 
ROMANORUM IMPERATORI SEMPER AUGUSTO. 
P. F. P. P. 
Hungariae, Bohemiae &c. Regi, Archiduci Austriae &c. 
Cum haec aetas nostra, Caesar Augustissime, protulerit eximium 
illum astronomum Tychonem Brahe, qui exquisitissimis observationibus et 
subtilitate incredibili cum ipsa rerum natura certavit, habeatque Germania 
praeter antiqua illa mathematicae facultatis lumina, Peurbachium, Regio- 
montanum, Apianum et quos longo ordine recensere potest Viennensis aca- 
demia, nunc etiam novum hoc exemplum idque sublime et admirandum di 
ligentiae et perfectionis: aequum esse arbitror, cum ut universi artis hujus 
professores prestantissimi artificis vestigia strenue sequantur adque 
ejus exemplum sese componant, tum maxime ut Germani in id laborent 
pro se quisque, ut hujus gloriae palmam, hactenus obtentam, porro quoque 
in sua gente retineant. Inexhaustus enim est naturae arcanorum thesaurus, 
opulentia inenarrabilis; nec aliud praestat, qui novum aliquid de ea in lucem 
profert, quam quod viam aliis aperit ad succedentia pervestiganda. Mihi 
adeo, qui opticis contemplationibus nonnihil temporis impenderam, occasio 
nem suppeditavit astronomia Tychonica, cujus me participem vivo etiamnum 
auctore fecit splendidissima haec Majestatis Tuae aula, ut quaedam optices 
theoremata, specie exigua, sed rerum maximarum seminaria, percolenda et 
penitius enucleanda censerem. Indignum enim optica scientia putavi, cum 
in astronomia sensus et instrumenta requirantur, in optice geometrica certi 
tudo-non desit, superari hanc ab illa, neque demonstrationibus hic firmari 
posse, quod illic oculi comprehendissent: indignum multo magis, provoca 
tam ab astronomis opticen, ad opem sibi ferendam, non comparere, cul 
pamque impeditae subtilitatis astronomicae, cujus insimularetur, a sese 
amoliri non posse. Itaque non leve decus existimavi, si mihi contingeret, 
nodos, qui objicerentur, bona methodo et démonstrationum evidentia dissol 
vere et opticam scientiam ad eam subtilitatem perducere, ut astronomo 
satisfacere illa posset. Quod meum institutum, postquam C. Majestas Tua 
probavit, summa cum industria persequi coepi, comportatis et in formam 
libri redactis, quae vel olim in Styria, Provincialium stipendia merens, in 
veneram, vel inventis erant denique superaddenda, omnium quidem difficil 
lima ea et laboriosissima.