Full text: Joannis Kepleri astronomi Opera omnia (Vol. 2)

Caput XXIX. 
729 
cinationum nostrarum easque hoc instinctu praeveniente), fit igitur ut ccQuoyij 
radiorum causetur aQfxoyrjv operationum; et facilius in idem opus coeant 
multorum animi, cum copulantur in coelo radii multorum siderum. Et quo 
arctius coeunt sidera, hoc arctius etiam se mutuo complectuntur juvantque 
homines; hoc subtiliora et acutiora (nimirum harmonica) nascuntur ingenia, 
itaque annis 1444, 1504, 1563, 1623 conjunguntur Saturnus et Júpiter 
arctissime; quia locus coitionum est Cancer et Leo, ubi sunt Jovis et 
Saturni nodi evehentes, et Saturni quidem, qui latius in septentrionem 
excurrit, nodus sequitur; ut ita circa initium Leonis fiat mutua itinerum 
Saturni et Jovis intersectio. Calculus quidem ostendit, annis 1444, 1504 
Saturnum Jove australiorem esse, annis vero 1563, 1623 jam septentriona 
liorem. Itaque intra 400 annos vix propius coeunt, quam factum anno 
1563 (in Opticis meis fol. 305 [321] sphalma unius centenarii tolle) et cum 
paucissima scrupula intersint inter latitudines Saturni et Jovis, non equidem 
tantum tribuo calculo, ut negare audeam, corporalem fuisse illam conjunc 
tionem. Quo nomine longe anteferenda fuit illa conjunctio modernae anni 
1603. ejusque similibus an. 1544, 1484, ut quae Saturnum uno gradu 
borealiorem Jove exhibent; anteferenda etiam conjunctionibus in signo Pis 
cium annis 1464, 1524, 1583, 1643, quae Saturnum sub Jovem tantundem 
deprimunt in austrum. Addit vero illis in Cancro vim etiam altitudo signi 
in hoc boreali hemisphaerio : cum quae in Piscibus et Ariete fiunt, hujniles 
sint et multo humiliores quam in Sagittario, ut moderna. Denique in Sagit 
tario, Piscibus et Arietis initio Saturnus et Júpiter descendunt ab apsidibus; 
in Cancro et Leone ascendunt. Itaque quod astronómicas causas attinet, 
multo potiores sunt in Cancro et Leone coitus, quam hic modernus in 
Sagittario. Vicissim quod multitudinem attinet planetarum, haud scio an 
ulla ex magnis conjunctionibus, quae inde a condito mundo fuerunt, com 
parari possit cum illa, quae fuit anno 1524. mense Februario: quando 
Saturnus, Júpiter et Mars quasi eodem die conjungebantur in 10° ){, Venus 
paucis gradibus ante ipsos staret, Sol et Mercurius in fine Aquarii paulo 
ante junctos haererent et ipsi juncti et directi, Luna 30 horarum spatio 
per omnes transiret. At an. 1603, cum jungerentur Saturnus et Júpiter, 
Mars aberat in Libra: qui postquam anno 1604. ad locum accessit, jam 
Júpiter superaverat Saturnum. Huc igitur o astrologi, huc vos astronomia 
jubet oculos intendere : ubi non inania nominum terriculamenta, sed ubi res, 
quae a natura magni fiunt, conspiratio motuum copulatioque radiorum 
arctissima. 
Est quidem et in hac nostra conjunctione illud quoque notandum, quod 
Sol paucis diebus ante conjunctionem ipse quoque coeuntibus jungebatur; 
quam Venus et Mercurius, uti frequenter fit, comitabantur: sed commune 
hoc habet ista conjunctio cum omnibus proximorum seculorum conjunc 
tionibus, quibus Sol semper propinquus invenitur, ut sola anni 1563. con 
junctio ex omnibus, quae proximis annis 250 nos circumstant, conspicua 
sit, quippe matutino planetarum exortu; et tamen ne hic quidem Sol longius 
abest. Usque adeo in solidum his nostrorum temporum conjunctionibus 
negatum est, quod tempore Christi fieri p.otuit, ut scilicet conjunctiones 
accidant in opposito Solis, quando planetae tardi ob retrogradationem, * 
itaque ter una vice congrediantur. 
Igitur, sive naturam, sive suum morem tueantur astrologi, existimantes, 
in hac coelestium motuum pulcherrima politia depictas esse conversiones
	        
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.