58
Epistolae Kepleri aliorumque mutuae
Id. quod proposuisti pro enucleanda distantia Solis a Terra in Ephemeride 1619, ob
servabo hoc mense; nam 22. Mart. debet esse Lincii ultima quadratura visibilis h. 7. 20'
p. m., si distat Sol a Terra 3000 semidiametris, prout dudum parallaxes Martis edocuerunt.
Sed habenda etiam erit ratio aliqualis parallaxeos. Ego et Scheinerus diversis locis obser
vabimus. Eclipsis 3) lmjus anni excedet tuum calculum per 1 / 2 horam: durabit enim
h. 1 . 1 ' etc., sed per perspicilla optica observandum erit; videbis in principio umbram annu-
bilatam etc. — Cuperem habere locum Veneris et Mercurii ad d. 22. Sept. 1588. h. 9.
p. m., Sol est in 29° 44' np, tempore meae nativitatis mihi ut puto Mercurius in 15° 4' up
et Venus in 20 l l s °
Has Remi literas successerunt aliae, d. Viennae 23. Jul. 1619, in quibus monet Keple-
rum, ut respondeat. Refert, Galilaeum edidisse sub nomine Guiduccii dissertationem de
Cometis, desiderare illum „librum Kepleri Copernicanum“, quia prohibitus sit Florentiae,
et non haberi possit; unde, pergit, petiit a Serenissimo nostro eundem librum, se enim
facile habiturum licentiam, asserit. Ille (Galilaeus) exagitat Apellem (cfr. vol. II. p. 776),
improbat Aristotélicos et impugnat eos longe aliis argumentis usitatis; asserit, motum non
producere nec frigus nec calorem, sed attritionem. Tychonem accusat, quod inutiliter ephe
meridas et tabulas cometicas construxerit. Dicit esse fallacissimum, velle judicare altitudi
nem cometae ex parallaxi; dicit enim, in realibus unicis veris et immobilibus subjectis valere
parallaxin, sed in apparentiis, reflexionibus luminosis, imaginibus et simulacris vagantibus
nullam posse parallaxin esse validam vel certam, et cometam in elementan regione ubique
sub eodem loco coeli conspici posse affirmat, ut halones, parelia et irides, radii Solis ex
nubibus instar gladii discurrentes ubique iidem videntur. Dicit etiam falsum et dubium
esse argumentum, a multiplicatione tubi in stellis sumtum, nec verum esse absolute, vicina
multum, remota parum multiplicari. Vexat Romanum mathematicum, quod cometam posuerit
circa Solem, Venerem et Mercurium, cum tamen ultra 90° devenerit: sed annon Mars, Jú
piter et Saturnus etiam in Tychone agnoscunt Solem pro centro? Tandem dicit, cometam
ascendisse in recta linea et aequalia confecisse spatia linearia, refutatque Tychonem in co
meta 1577 propter caudam ad Venerem directam; curvitatem caudae ex refractionibus de
ducit. Praeterea nihil novi habet.
Eclipsin hujus anni non vidi, fui Brugkii in Styria, coelum per totam noctem nubi
losum. Secundum meum calculum duratio h. 1 . I'; commisi in Alsatia cuidam, ut obser
varet eandem, sed adhuc non habui literas. — Legi tuam Ephemerida 1617 et valde pla
cuit. Certe in conjunctione Mercurii crede mihi, quod haereamus adhuc forte per 2°, ex
observationibus meteorologicis. Quaeso aperias mihi tuum judicium de novitate illa paral-
lactica Galilaei; ego capere non possum. — Bene valeat et saepius ad me scribat. —
Keplerus respondit: S. P. D. Redditae mihi sunt literae tuae, Ex
cellentissime Vir, et quas Martio vel Aprili, et quas 23. Julii scripsisti.
Causas, cur non responderim, facile tibi est conjicere. Cum priores meae ad
te quartum in mensem errassent, verebar, ne nunc multo magis idem meis
eveniret, cum ex diurnis actis intelligerem, Ser. Leopoldum nuspiam consistere,
sed circumcursitare exercitusque traducere. Lincii ego etiamnum haereo, ne
cessitate magis quam voluntate per has turbas. Spero me tutum fore stu
diorum innocentum honestissima specie et, si qui casus ingruat, tua pro amico
Uránico vigilantia. Plura, possem, sed tempus alienum videtur.
Primam ex tuis literis accipio famam, librum meum Romae et Florentiae
esse prohibitum, nec satis capio, quem tu librum Copernicanum dicas; omnes
enim mei sunt Copernicani, etiam Ephemeridum prolegomena. Harmonica qui
dem nondum sunt edita, nisi forte titulorum ad te missorum libri V. unus
Romam perlatus censuram subierit. Suspicor igitur, de Epitoma Astr. Cop. tibi
sermonem esse. Ejus igitur unum exemplum, 30 cruciferis a librario emtum (Argen
torati pro 80 cruciferis venit), magistro cursorum tradam, siquidem ipse sarcinam
non detrectaverit. — (Sequentia de prohibito Romae libro leguntur vol. I. p. 195.) Deinde
pergit:
Quod Tychoni vitio datur ephemeris motus cometici, non magnum cri
men est, abundavit ille ad hoc otio, demonstravit ipso facto, cometas exleges
non esse. Fallacissima sane res est, ex observationibus arguere parallaxin
parvulam, puta unius minuti aut duorum; at ex parallaxi ut vera posita ar-
