PROLEGOMENA EDITORIS
XXIII
Cometae a. 1582 observationes nitide transscriptae folia implent 80—82, sed
vacat fol. 80 v . Addidit annotationes nonnullas ipse Tycho. Incipit hic fasci
culus, qui continet etiam priorem partem observationum cometae a. 1585.
Vacant foll. 83—86.
Cometae a. 1585 observationes partim primae sunt, partim transscriptae;
folia implent 87—146. Titulus non apparet, sed in summo fol. 87 r sic incipitur:
ANNO 1585
Die 18 Octobris cum Haffnia
Observationes ab Oct. d. 18—23 et Nov. d. 6—12 primum scriptae erant in
cod. C inter ceteras observationes, unde in hunc codicem transscriptae sunt;
paucis tantum locis (Nov. 6 et 7) inter se paululum differunt hi codices, in
ceteris plane congruunt. Foll. 139 r — 146 r eam relationem continent, quam
Guilelmo Landgravio misit Tycho (Op. VI p. 41 sqq.). Vacant foll. 147—148.
Cometae a. 1590 observationes suum fasciculum implent, qui folia continet
149—175, e quibus vacant 149 r et 167—175 r . Transscriptae sunt e codice O. In
summo fol. 149 v titulus apparet:
Observationes Cometae Anni
1590,
juxta quem in sinistra parte Tycho sic scripsit: »Occasiones huius Cometae
visj & obseruationes prius [?] exaratas [sic] alibj in folio scriptae sunt«. In si
nistra pagina semper observationes scriptae sunt, in dextra annotationes.
Tychonis manu brevis tantummodo annotatio invenitur, quae ad finem ob
servationum d. 2 m. Martii adjecta est (N. B. In demonstranda ...).
Cometae a. 1593 observationes duo folia cohaerentia implent (176—177);
haec ipsa scilicet Tychoni tradita sunt ab eo, qui observationes instituerat.
Vacat fol. 178 r . In fol. 178 v Tycho scripsit: »Sequitur examinatio cometae
anni 1580 ... per Wilhelmum ...«, cujus imaginem dedit Schumacher in edi
tione observationum cometae anni 1585. Sequitur in foll. 179—189 Blaevii
synopsis observationum cometae anni 1585.
Cometae a. 1596 observationes in foll. 192—197 transscriptae sunt e codice O.
Nitide scriptae sunt cum descriptionibus astronomicis.
CODEX O = Ant. Coli. Reg. 315 in fol. continet observationes
cometarum annorum 1590 et 1596.
Compositus est e duobus fasciculis, qui paucos abhinc annos involucro
vestiti sunt. Folia continet 20, quorum paginae nostra aetate numeris (1—40)
insignitae sunt. Titulus non apparet.
Cometae a. 1590 observationes paginas implent 1—27; vacat p. 28. Tychonis
manu adjectae sunt annotationes nonnullae.
Cometae a. 1596 observationes in charta paulo minore scriptae sunt. P. 29
titulum praebet: Observationes Cometae mense Julio A. 1596 apparentis. Vacat