PROLEGOMENA. 
SI 
aliis libenter relinquo. Attamen de aetate collectionis 
scboliorumque quaedam haud omittenda videntur. 
Num ante Constantinum Cephalam, qui decimo 
labente saeculo epigrammatum corpus Palatinum quod 
fertur condidit, arithmetica problemata in priores 
Anthologias admissa fuerint, disputare licet; saltem ex 
iis quae ad pp. 43 — 72 adnotavi, illud demonstrari 
potest, duas collectiones Cephalae praesto fuisse: 
alteram quae satis antiqui poetae nomen prae se 
ferebat, Socratis scilicet cuius Diogenes Laertius men 
tionem fecit; alteram recentiori Metrodoro adtributam. 
Nulla scholia (nisi forsan quosdam solutionum numeros 
in margine scriptos) in prima collectione reperiebantur, 
si tantummodo septem illa excipias quae ad ep. XIV, 7 
scripta sunt post lulianum imperatorem a variis credo 
temporeque longe disparibus, certe autem parum arith 
meticae nisi practicae peritis hominibus. Nimis raras 
huiusmodi relliquias invenimus; quid ad vulgaris 
calculi historiam conferre possint, exemplo unico alibi 
demonstrare conatus sum 1 ). 
Ad unumquodque vero Metrodoreae collectionis 
epigramma Constantinus Cephalas iam scripta scholia 
invenit, quae in textum suum recepit 2 ); sed quum 
problemata quaedam in Socratea collectione reperta 
iamiam prius descripserat (nempe ep. XIV, 2, 3, 6, 7), 
illa non repetivit, sed Metrodoreos numeros Socrateis 
adiunxit scholiaque in margine posuit. Verum ordinem 
1) Bevue des etudes grecques, VII, pp. 204 sqq.: Le calcul 
des parties proportionnelles chez les Byzantius. 
2) Errores animadvertas velim in compendiis solutis, pp. 44, 
18; 53, 16; 70, 7, 14; item lacunam, 55, 20.