PROLEGOMENA. 
XXI 
quam vocant promovere sub antiquo habitu vestituque 
quis hodie sperare potest? 
Ceterum de Diophanto imprimis erratum est, quum 
problematum suorum unicus auctor creditus est: arith 
meticas tantum quaestiones redegit in corpus, sicut 
eodem fere tempore varia geometrica Pappus collegit; 
antiquiorum autem nomina si Diophantus silentio 
praetermisit uniformique methodo diversitatem origi 
num primo obtutui celavit, attentius consideranti dissi 
milia vestigia nihilominus adparent; quaedam solu 
tiones ex ungue leonem indicant, aliae multae debi 
lioribus ingeniis debentur. Quapropter operae pretium 
duxi fore, si diligenter in indice graecitatis varietates 
sermonis enotarem quarum haud paucae forsan omit 
tendae videbuntur; priscarum collectionum quas Dio 
phantus compilavit distinctioni sic quodammodo prae 
ludere in animo fuit. Sed nunc vereor ne frustra 
laborem meum impenderim, quum genuina Diophantea 
vix ipsa discerni queant; attamen tentaminis haud pae- 
nitet, quod multum mihi ad emendationes contulit 1 ). 
1) Quum indicem illum secundum Bachetianam editionem 
iampridem confectum recensioni meae aptarem, aliquas dubita 
tiones novas de quibusdam locis adnotare debui; alii plura 
poterunt animadvertere; quod si faciunt, haud aliter operae 
meae utilitatem comprobatam iri cupio. 
Indicis autem in usum hoc omnino monendum est, vocem 
unamquamque in unaquaque Diophantea quaestione nonnisi 
semel et primo loco notatam fuisse, quando saltem alia pecu 
liaris mentio eiusdem vocis haud utilis mihi videbatur; sic 
consilio meo quod aperui brevitatique simul in mathematico 
opere satis consulere visum est.