SECTIO QUINTA
v ' •
DE
FORMIS AEQUATIONIBUSQUE INDETERMINATIS
SECUNDI GRADUS.
Disquisitionis propositum; formarum definitio et signum.
153.
In hac sectione imprimis de functionibus duarum indeterminatarum x, y,
huius formae
axx-\-1hxy-{- cyy
ubi a,h,c sunt integri dati, tractabimus, quas formas secundi gradus sive simpli
citer formas dicemus. Huic disquisitioni superstruetur solutio problematis famosi,
invenire omnes solutiones aequationis cuiuscunque indeterminatae secundi gradus
duas incognitas implicantis, sive hae incognitae valores integros sive rationales
tantum nancisci debeant. Problema boc quidem iam ab ili. La Grange in omni
generalitate est solutum, multaque insuper ad naturam formarum pertinentia tum
ab hoc ipso magno geometra tum ab ili. Eulero partim primum inventa, partim,
a Fermatio olim inventa, demonstrationibus munita. Sed nobis acriter formarum
perquisitioni insistentibus tam multa nova se obtulerunt, ut totum argumentum
ab integro resumere operae pretium duxerimus, eo magis, quod Virorum illorum
inventa, multis locis sparsa, paucis innotuisse experti sumus; porro quod metho
dus per quam haec tractabimus nobis ad maximam partem est propria; tandem