DISQUISITIONES GENERALES
CIRCA SUPERFICIES CURA AS.
1.
Disquisitiones, in quibus de directionibus variarum rectarum in spatio agi
tur, plerumque ad maius perspicuitatis et simplicitatis fastigium evehuntur, in
auxilium vocando superficiem sphaericam radio == 1 circa centrum arbitrarium
descriptam, cuius singula puncta repraesentare censebuntur directiones rectarum
radiis ad illa terminatis parallelarum. Dum situs omnium punctorum in spatio
per tres coordinatas determinatur, puta per distantias a tribus planis fixis inter
se normalibus, ante omnia considerandae veniunt directiones axium his planis
normalium: puncta superficiei sphaericae, quae has directiones repraesentant, per
(1), (2), (3) denotabimus; mutua igitur horum distantia erit quadrans. Ceterum
axium directiones versus eas partes acceptas supponemus, versus quas coordina-
tae respondentes crescunt.
2.
Haud inutile erit, quasdam propositiones, quae in huiusmodi quaestioni
bus usum frequentem offerunt, hic in conspectum producere.
I. Angulus inter duas rectas se secantes mensuratur per arcum inter puncta,
quae in superficie sphaerica illarum directionibus respondent.
II. Situs cuiuslibet plani repraesentari potest per circulum maximum in
superficie sphaerica, cuius planum illi est parallelum.
*
36