INTENSITAS VIS MAGNETICAE TERRESTRIS ETC. 
28. 
Sequuti sumus in hac commentatione modum vulgo receptum, phaenomena 
magnética explicandi, tum quod his complete satisfacit, tum quod per calculos 
longe simpliciores procedit, quam modus is, ubi magnetismus gyris galvano- 
electricis circa particulas corporis magnetici adscribitur: talem modum, qui uti 
que pluribus nominibus se commendat, nec affirmare nec reiicere in animo fuit, 
quod inopportunum fuisset, quum lex actionis mutuae inter elementa talium gy 
rorum nondum satis explorata videatur. Quicunque vero modus phaenomena tum 
pure magnética tum electromagnética concipiendi in posterum adoptetur, certe 
respectu illorum cum modo vulgari ubique ad eundem finem perducere debet, et 
quae hoc ducente in hac commentatione evoluta sunt, forma tantum, non essen 
tia, mutari poterunt.