DETERMINATIO ORBITAE E TRIBUS OBSERVATIONIBUS COMPLETIS. 157
licebit, ubi etiam perturbationes, quas planetae reliqui motui inducunt, ad
calculum erunt revocatae: quarum rationem quomodo habere oporteat, quan
tum quidem ad institutum nostrum pertinere videbitur, in Sectione quarta bre
viter indicabimus.
116.
Antequam determinatio alicuius orbitae ex observationibus geocentricis
suscipitur, his quaedam reductiones applicandae erunt, propter nutationem,
praecessionem, parallaxin et aberrationem, siquidem summa praecisio requiri
tur: in crassiori enim calculo has minutias negligere licebit.
Planetarum et cometarum observationes vulgo expressae proferuntur per
ascensiones rectas et declinationes apparentes, i. e. ad situm aequatoris appa
rentem relatas. Qui situs quum propter nutationem et praecessionem varia
bilis adeoque pro diversis observationibus diversus sit, ante omnia loco plani
variabilis planum aliquod fixum introducere conveniet, ad quem finem vel
aequator situ suo medio pro aliqua epocha, vel ecliptica adoptari poterit: pla
num posterius plerumque adhiberi solet, sed prius quoque commodis peculia
ribus haud spernendis se commendat.
Quoties itaque planum aequatoris eligere placuit, ante omnia observatio
nes a nutatione purgandae, ac dein adhibita praecessione ad epocham quan-
dam arbitrariam reducendae sunt: haec operatio prorsus convenit cum ea, per
quam e loco stellae fixae observato eiusdem positio media pro epocha data
derivatur, adeoque explicatione hic non indiget. Sin vero planum eclipticae
adoptare constitutum est, duplex methodus patebit: scilicet vel ex ascensioni
bus rectis et declinationibus ob nutationem et praecessionem correctis deduci
poterunt longitudines et latitudines adiumento obliquitatis mediae, unde lon
gitudines iam ad aequinoctium medium relatae prodibunt; vel commodius ex
ascensionibus rectis et declinationibus apparentibus adiumento obliquitatis ap
parentis computabuntur longitudines et latitudines, ac dein illae a nutatione
et praecessione purgabuntur.
Loci terrae singulis observationibus respondentes per tabulas Solares com
putantur, manifesto autem ad idem planum referendi erunt, ad quod observa
tiones corporis coelestis relatae sunt. Quamobrem in computo longitudinis
Solis negligetur nutatio; dein vero haec longitudo adhibita praecessione ad
