158
THEORIA MOTUS CORPORUM COELESTIUM. LIBER II. SECTIO I.
epocham fixam reducetur, atque 180 gradibus augebitur; latitudini Solis, si
quidem eius rationem habere operae pretium videtur, signum oppositum tri
buetur : sic positio terrae heliocéntrica habebitur, quam, si aequator pro plano
fundamentali electus est, adiumento obliquitatis mediae in ascensionem rectam
et declinationem transformare licebit.
117.
Positio terrae hoc modo e tabulis computata ad terrae centrum referenda
est, locus observatus autem corporis coelestis ad punctum in terrae superficie
spectat: huic dissensui tribus modis remedium afferre licet. Potest scilicet vel
observatio ad centrum terrae reduci, sive a parallaxi liberari; vel locus helio-
centricus terrae ad locum ipsum observationis reduci, quod efficitur, si loco
Solis e tabulis computato parallaxis rite applicatur; vel denique utraque po
sitio ad punctum aliquod tertium transferri, quod commodissime in intersec
tione radii visus cum plano eclipticae assumitur: observatio ipsa tunc immu
tata manet, reductionemque loci terrae ad hoc punctum in art. 72 docuimus.
Methodus prima adhiberi nequit, nisi corporis coelestis distantia a terra pro
xime saltem nota fuerit: tunc autem satis commoda est, praesertim quoties
observatio in ipso meridiano instituta est, ubi sola declinatio parallaxi afficitur.
Ceterum praestabit, hanc reductionem loco observato immediate applicare,
antequam transformationes art. praec. adeantur. Si vero distantia a terra pe
nitus adhuc incognita est, ad methodum secundam vel tertiam confugiendum
est, et quidem illa in usum vocabitur, quoties aequator pro plano fundamen
tali accipitur, tertia autem praeferetur, quoties omnes positiones ad eclipticam
referre placuit.
118.
Si corporis coelestis distantia a terra alicui observationi respondens pro
xime iam nota est, hanc ab effectu aberrationis liberare licet pluribus modis,
qui methodis diversis in art. 71 traditis innituntur. Sit t tempus verum ob
servationis; 6 intervallum temporis, intra quod lumen a corpore coelesti ad
terram descendit, quod prodit ducendo 4 9 3 s in distantiam ; l locus observatus,
V idem locus adiumento motus geocentrici diurni ad tempus ¿-f-6 reductus;