166
LIBEE H. SECTIO I.
Si loco eclipticae aequator tamquam planum fundamentale adoptatum est,
ad positionem trium circulorum maximorum respectu aequatoris determinandam
praeter inclinationes insuper requirentur rectascensiones intersectionum cum ae-
quatore: nec non praeter distantias punctorum B, B , B" ab his intersectionibus
etiam distantias punctorum A 7 A', A" t ab iisdem computare oportebit. Quae
quum a problemate in art. 110. tractato pendeant, formularum evolutioni hic
non immoramur.
137.
Negotium secundum erit determinatio situs relativi illorum trium circulo
rum maximorum inter se, qui pendebit a situ intersectionum mutuarum et ab in
clinationibus. Quae si absque ambiguitate ad notiones claras ac generales re
ducere cupimus, ita ut non opus sit pro singulis casibus diversis ad figuras pe
culiares recurrere, quasdam dilucidationes praeliminares praemittere oportebit.
Primo scilicet in quovis circulo maximo duae directiones oppositae aliquo modo
distinguendae sunt, quod fiet, dum alteram tamquam progressivam seu positivam,
alteram tamquam retrogradam seu negativam consideramus. Quod quum per se
prorsus arbitrarium sit, ut normam certam stabiliamus, semper directiones ab
A, A', A" versus B 7 B\ B' ceu positivas considerabimus; ita e. g. si inter
sectio circuli primi cum secundo per distantiam positivam a puncto A exhibetur,
haec capienda subintelligetur ab A versus B (ut D" in figura nostra); si vero
negativa esset, ipsam ab altera parte ipsius A sumere oporteret. Secundo vero
etiam duo haemisphaeria, in quae omnis circulus maximus sphaeram integram
dirimit, denominationibus idoneis distinguenda sunt: et quidem hemisphaerium
superius vocabimus, quod in superficie interiori sphaerae circulum maximum di
rectione progressiva permeanti ad dextram est, alterum inferius. Plaga itaque
superior analoga erit hemisphaerio boreali respectu eclipticae vel aequatoris, in
ferior australi.
His rite intellectis, ambas duorum circulorum maximorum intersectiones
commode ab invicem distinguere licebit: in una scilicet circulus primus e secundi
regione inferiori in superiorem tendit, vel quod idem est secundus e primi regione
superiore in inferiorem; in altera intersectione opposita locum habent. Per se
quidem prorsus arbitrarium est, quasnam intersectiones in problemate nostro
eligere velimus: sed ut hic quoque iuxta normam in variabilem procedamus, eas