LIBER PRIMUS
RELATIONES GENERALES INTER QUANTITATES
PER QUAS CORPORUM COELESTIUM MOTUS CIRCA SOLEM DEFINIUNTUR.
SECTIO PKIMA
Relationes ad locum simplicem in orhita spectantes.
1.
Corporum coelestium motus iu hoc opere eatenus tantum considerabimus,
quatenus a Solis vi attractiva gubernantur. Excluduntur itaque ab instituto nostro
omnes planetae secundarii, excluduntur perturbationes, quas primarii in se invi
cem exercent, excluditur omnis motus rotatorius. Corpora mota ipsa ut puncta
mathematica spectamus, motusque omnes ad normam legum sequentium fieri sup
ponimus, quae igitur pro basi omnium disquisitionum in hoc opere sunt habendae.
I. Motus cuiusvis corporis coelestis perpetuo fit in eodem plano, in quo
simul centrum Solis est situm.
II. Traiectoria a corpore descripta est sectio conica focum in centro Solis
habens.
III. Motus in ista traiectoria fit ita, ut areae spatiorum in diversis temporum
intervallis circa Solem descriptorum hisce intervallis ipsis sint proportionales.
Temporibus igitur et spatiis per numeros expressis, spatium [quodvis per tempus
intra quod describitur divisum quotientem invariabilem suppeditat.
IV. Pro corporibus diversis circa Solem se moventibus horum quotientium
quadrata sunt in ratione composita parametrorum orbitis respondentium, atque
aggregatorum massae Solis cum massis corporum motorum.
Designando itaque per 1p parametrum orbitae, in qua corpus incedit, per
{i quantitatem materiae huius corporis (posit amassa Solis = l), per \g aream