modo construendi generaliter aequationes differentiales per appro 
pinquationem seu polygona, adliuc nonnihil desidero, quod non 
dum satis est exploratum, et hoc est, quod publicationem ejus 
adhuc retardavit: diu enim ante in hanc speculationem incideram: 
interim methodus quam inde deduxi determinandi curvam transeun 
tem per puncta flexuum omnium curvarum eidem aequationi dif 
ferentiati satisfacientium, non adeo invenusta est, quam curvam 
ostendi perpetuo esse algebraicam. 
Quod mihi in commissis dedisti, ad amussim executus sum. 
Ad Vesontionem scribi curavi, ut per occasionem Dn. Abbas 
Boisot promissorum Tuo nomine admoneretur. Et per amicum, 
cui cum Bibliothecario Monasterii S. Gallensis, nomine P. Burckardo 
Herr commercium literarum intercedit, eundem humaniter rogavi, 
ut eorum quae Tibi desunt descriptionem concedat. Non dubito, 
quin eam facile impetraturus sis: est enim, ut mihi depingitur, 
vir officiosissimus et comitatis plenus. Interim statim ac quid 
rescivero, Tibi notum faciam. 
Dn. Marchio Hospitalius nuper de Professione Mathematica, 
vacante in Hollandia scripsit, quam mihi se procuraturum sperat. 
Ipsi respondi, ut conditiones aliasque circumstantias hujus Pro 
fessionis, et in quo loco sit, mihi quantocyus rescriberet; etenim 
mihi deliberandum est, an conditio sufficiens sit, ut cum uxore 
illuc abeam. Vale et fave etc. 
Basileae d. Aprilis 1695. 
- 
Multum Tibi debeo, quod in mei gratiam Vesontionem et ad 
Sangallensis Monasterii Bibliothecarium P. Herr scribi curasti. 
Quanquam de Vesontione vereor ne frustra mihi aliquid promiserim, 
quoniam Dn. Abbatem Boisotium obiisse ex Gallia nuper intellexi. 
Gratias etiam ago, quod valetudinis meae curam Tibi esse 
testaris, perscriptis ad me monitis minime vulgaribus neque sper 
nendis, de quibus cogitabo diligentius. Omnino enim tempus esse 
video, ut majus aliquod malum praeveniam.