86 
nobis in totam rerum harmoniam non admissis id apparere non 
possit. Hoc constituto quaestiones de absoluto vel conditionali 
decreto, gratiaque universali aut particulari partim philosophicae 
partim verbales videntur. Turbat adhuc nonnihil controversia, 
utrum solis electis vera fides et justificatio competat; in quo optem 
quorundam ex vestris exemplo caeteros quoque paulo accommoda 
tius loqui. Meo judicio liles de coena Domini, quae debet esse vin 
culum caritatis, non debere talere schisma infelix ; sunt tamen qui 
dam in ea re rigidiores, quos molliri posse non desperem. Sed 
vestrorum Theologorum quos meam opinionem expetere ais (plus 
ut apparet mihi tribuentes quam agnoscere audeam) sententiam 
potius nosse optem. 
XIV. 
Jac. Bernoulli an Leibniz. 
Tuis 26 Novbr. anni praeteriti ad me exaratis tardius respon 
deo, tum ad varia negotia quibus hucusque distractus fui, tum 
etiam ob affectum podagricum, qui aliquamdiu misere me lancina 
vit, Nempe volebam usu vini rubri optimi (quamvis modico) 
phlegma quo cerebrum quoque repletum sentiebam desiccare, sed 
pessimo eventu; vixdum enim per paucos dies continuaveram, cum 
dolores arthritici (quibus et nephritici quid admixtum erat) denuo 
et repente omnes meos artus ipsumque etiam cranium (rarissimo 
podagricorum exemplo) invaderent: quem adeo manifestum vini 
effectum persentiscens, ejus usu penitus me interdicere cepi; sic- 
que jam a trimestri et amplius optime valeo et optime digero, 
contra Medicorum praesagium, qui potu solius aquae stomachum 
nimis iri debilitatum praedixerant. 
Vidi nuper optato in Actis Lips. anni praeteriti mens. Jan. 
supplementum Tuum quadraturarum una cum methodo Fratris, 
quem Tu recte redarguis, quod asseruerit omnes quadraturas ra 
tionales pendere a quadratura circuli aut liyberbolae: et miror 
ipsum adeo sibi confisum esse, ut asserti sui veritatem in tam 
d x 
simplici formula, qualis est examinare non sustinuerit. Sed