JN LIBROS OPTICOS 
Joannis Kepleri S. C. M. Mathematici 
EPIGRAMMA 
Joannis Seussii Sr. D. Christiani II. Electoris Saxoniae Secretarii. 
Qui mundi ignivomum gestit specularier ocium 
Quive ipsis oculis cernere vult oculos: 
Ille tuis oculis animi, Keplere, coruscans 
In penetrale libri se clepat usque tui: 
Nec metuat jubaris radios atomosque volantes, 
Et quae fert varius phasmata mira color: 
Linea seu simplex seu sit composta specillum : 
Namque oculis nunquam visa videnda dabis. 
EPIGRAMMA AUCTORIS 
De suis oculis suoque de oculis tractatu. 
Perdidimus, mens chara, aciem; dum lumina veri 
Mittimus ad limen per vitra nostra tuum. 
Hoc sine connubio mansisses caeca : laborum 
Da sociis aliquas, da soror alma, vices. 
Quid faciam miseris: quando implacabilis hora 
Me procul a vestro dividit hospitio ? 
Eripe nos tenebris quamque ibis ducito lucem: 
Quoque cares, letlii nos quoque solve metu. 
Qua licet expediam; faveat modo fama loquenti; 
Mortales chartis perpetuabo meis. 
Hic etiam referam, quae pro me damna tulistis: 
Hicque suum et naevis irradiabo jubar. 
ALIUD EODEM SENSU. 
Loquitur Oculus. 
Vitam pro fama minuo, pro nomine sensum: 
Disce anima utilius, ne moriare, mori. 
Oculi. 
Mens. 
Oculi. 
Mens.