* 
Prooemium. 
129 
Porro quantum defectibus luminum adjuventur homines in astronomia 
tota, docent omnes astronomorum libri. Nam quod motus Solis et Lunae 
attinet annorumque et mensium spatia, tota haec doctrina ex sola eclipsium 
observatione primum est orta nec aliter constitui potuit; ac ne limari qui 
dem et expoliri amplius potest nisi defectibus luminum accuratius et lima 
tius consideratis, qui hujus libri scopus est. 
Jam qui perpenderit, quam arcte tota reliqua astronomia cum Solis 
motu copuletur quantumque nobis Luna, diei noctisque particeps, opitule 
tur, quando nos omnia alia media deficiunt: jure credet, universam astro 
nomiam his luminum obscurationibus inniti, adeo ut hae tenebrae sint 
astronomorum oculi, hi defectus doctrinae sint abundantia, hi naevi 
mentes mortalium preciosissimis picturis illustrent. 0 eximium et omni 
bus gentibus commendabile argumentum de umbrae laudibus. 
Quantitas itaque speciei, quam Luna Solve seu integer seu deficiens 
nobis ostendit, umbraeque, quam Tellus ad Lunam extendit, astronomo di 
ligenter est investiganda. Stellarum ceterarum diametri eatenus quaerun 
tur , quatenus ignoratae observationes infidas redditurae sunt et quatenus 
eadem circa illas, quae circa Solis et Lunae corporum moles scire sa 
tagimus. 
Species autem illae ad nos descendunt beneficio lucis in Sole directae 
et propriae, in Luna reflexae et alienae. 
Quas species, etsi omnium oculis sunt obviae, difficulter tamen men 
surari \omnes queruntur astronomorum artifices: partim quod aspectu exilia 
sint corpora, partim quod eximia luce oculos praestringant, quo minus offi 
cium in videndo faciant. At ne hoc quidem loco discendi cupidos natura 
destituit, monstrata ratione, qua sine oculorum detrimento in tenebris per 
ficeremus, quod in clara luce, directa in Solem visus acie, plane est im 
possibile. Qui modus cum sit et admiratione dignus et ingeniosissime ab 
artificibus apprehensus, dignus est ut non vilis apud astrouomos et neglec 
tus habeatur, sed geometricis demonstrationibus ornetur exemplisque illustre 
tur, quod abhinc triennio a me factum occasione eclipseos Solis anni 1600, 
in eum qui paulo post sequitur modum, si prius aliqua praemisero. Nam 
quia non tantum de directo sed etiam de repercusso et refracto radio multa 
a Vitellione praetermissa, multa, quorum erat a priori ratio reddenda, ab 
experientia tantum accersita et in principiorum locum collocata sunt: pla 
cuit mihi totam lucis naturam paulo penitius inspicere et ea, quae appa 
rent, quantum in praesentia fieri potuit ad sua principia revocare: si for 
tasse futuri sint lectores, quorum ingenia ad indaganda lucis arcana his 
disputationibus magis vel excitari vel etiam juvari possint. Quanquam non 
admodum praeter institutum ista: nec enim pauca sunt astronomo per om 
nes radiorum species expedienda. 
♦ 
Kepleri Opera. II. 
9