726 
De Stella Nova Serpentari! 
junctura novo sideri; ut taceam illos, qui toto durationis ejus tempore iis 
horis prodierunt, quibus sidus culminavit ortumve fuit. Atque hos omnes 
consentaneum est naturam sortitos ■nojTefji&voav : quibus non consultum est, 
turbas modernas quasi per manus transmittere, ut iisdem ipsi cum adole 
verint misceantur. Magna est vis imaginationis in praegnantibus, quae 
odia amicitiasque partium in foetus suos propagant; et quae maximas ab 
hoste vel domino perpetiuntur injurias cum gerunt uterum , earum illi foetus 
postquam adoleverint, acerrimi solent existere injuriarum illatarum vindices. 
Haec est philosophia famosissimi illius Liechtembergii, quam verissi 
mam exemplis compluribus, si non essent odiosa, comprobare possem. Qua 
philosophia si Magi illi ad Herodem regem usi essent, professi gentem 
novam, asperam, trucem, novatricem, servitutis impatientem, quae sub illa 
biennali stella esset edita, succreturam: non valde mirum, si Herodes tyrannus 
ex eo consilium cepisset exstirpandi illam in ipsa herba. Atque hoc fundamento 
nixos puto eos (Braheum, Roeslimim), qui significata stellae novae, quae anno 
1572. exarsit, in annum ab illo tricesimum et ultra contulerunt: quod qui 
tunc nati sunt, ii hoc tempore elapsis jam 34 annis in viros succreverint 
et rebus gerendis idonei sint. Tantundem quippe temporis fluxit etiam ab 
exortu Magorum stellae, priusquam quid illa significaret in Christo, qui sub 
ea natus erat, pateret. Respondet aetas et in eo principe, qui spreto 
Turearum Imperatore Christianis se junxit et denique Baciam cessit Regi 
Hungariae, ex quo tempore ut olim Africa sic jam Bacia semper aliquid novi. 
Quae de nascentibus dixi, eadem ex parte et de illis intelligantur, qui 
multis annis ante die 29. 30. Novembris stylo veteri nati sunt, quorum 
Solis locum stella occupavit, aut si quibus in orientem incidit; quibus 
similiter stella, quantisper quidem fulsit, non influxu sed commotione occulta 
facultatum animae naturalium stimulos ad res gerendas addidisse credi potest. 
Haec tamen intra hos terminos conquiescere necesse est; quae primum 
atque ad speciem deducuntur, jam [hag kixxcov. Itaque non valde meditate 
Fabricius magno Germaniae Principi ex eo solo, quod nova stella ortum 
ejus sextili feriret, Sole sub ipsum exortum stellae in illo gradu versante, 
ausus est felicia omnia et quidem magnam in imperio dignitatis accessionem 
polliceri. Quod hoc loco non alio consilio recenseo, quam ut moneam, quae 
sic ego de genesibus dixi, longissime diversa esse ab astrologorum et ab 
his ipsis Fabricii decretis. Nam ut nihil dicam, longe quaesitam esse hanc 
stellae cum illa genesi cognationem interventu Solis : longe aliud est, aliefuem 
anno 1605. inquietari ex occulta stimulatione naturae suae per stellam 
facta, et eundem ex hoc anno 1605. in posterum praecipuam dignitatem 
in Imperio Germanico exspectare debere suisque consiliis Imperii statum in 
melius emendaturum. Hoc consilii est circumstantiarumque sublunarium, 
illud naturae. 
Caput XXIX. 
De Trigoni ignei naturalibus effectibus. 
Interjicienda est separata haec explicatio non tantum ideo, quia imper 
fecta videbitur trigoni ignei descriptio, nisi paucula aliqua respondeantur