728 
De Stella Nova Serpentarii 
permutationibus seu potius magnis conjunctionibus, id hac generali voce 
turbationis rerum per sese mobilium comprehenditur. In iis quippe negotiis 
iisque rebuspublicis, quae jam a multo tempore turbabantur leniter, novi et 
praecipui tumultus excitati sunt, idque ante triennium tuto praedicere potui 
etiam hac vice futurum. 
Imperium vero plane novum inter homines constituere, regnaque et 
principatus transferre, mutationes religionum seu procurare quae sunt in 
melius, seu permittere quae in deterius vergunt; haec inquam opera non 
naturae sed solius sunt imperscrutabilis providentiae divinae solentque 
utplurimum a tam contemtis initiis progredi, ut quam plurimos annos, saepe 
etiam non unum seculum lateant, aut quamvis appareant, tamen ab ejus 
aetatis hominibus contemnantur. Haec igitur ego ante hoc triennium (cum 
ex more de trigono igneo aliquid Germanico idiomate perscriberem) cum 
nondum accessisset nova stella, sic solitus sum applicare ad nostra tem 
pora, ut fidenter pronuuciaverim: frustra nos inhiare rebus plane novis 
mutationibusque talibus, quales astrologi nobis ex trigono igneo praedicerent, 
neque perpendere, quod proximo seculo tantae jam mutationes praecesserint, 
ut vix majora speranda vel exspectanda sint. Itaque quicquid post hoc 
initium trigoni ignei futurum esset, id aut jam antiquam et centum annorum 
esse fabulam: aut si quid plane novi seratur, priusquam id in eam adolescat 
magnitudinem, ut oculos incurrat, plurimos ex iis, qui hodie sunt, vitam 
deserturam, itaque inutilem et irritam esse ipsorum curiositatem. Desinant 
igitur homines (occasione hujus quidem initii de trigono igneo, solitarie et 
naturaliter considerati) somnia sibi fingere magnifica: Tureae de opprimendis 
Christianis, Christiani de subvertenda domus Othomannicae tyrannide aut 
de convertendis ad fidem Christianam vastissimis Asiae regnis, Persarum 
Regi parentibus, eo quod trigonus igneus faveat religioni Christianae scilicet; 
partes per Europam litigantes altera de alterius exstirpatione aut recupe 
ratione , quae citra ingentem orbis Terrarum concussionem et inauditos 
tumultus fieri vix possint. Quaecunque enim hujusmodi sperari vel metui 
pie soleant, eorum semina nondum certe sufficienter apparere, ut astrologus 
verisimilem inde conjecturam formare possit, quam diu quidem solas con 
junctiones magnas intuetur, quod facit is, qui ipsam etiam stellam naturalem 
et astrologicum effectum esse statuit magnae conjunctionis: ut Fabricius 
non obscure, ut astrologi alii, qui scripserunt priusquam nova stella com- 
paruisset. Nam quod nova stella praeter naturae usitatum cursum ad con 
junctionem accessit: de hujus rei praeternaturali significatione nondum 
quidem coepi dicere, fiet autem paulo post: in praesens vero inculco quod 
paulo supra dixi, nimirum quae ex planetarum configurationibus non signi 
ficantur per naturae quendam modum, plane non praesignificari. 
Quae dixi, naturali argumento ex ipsis magnis conjunctionibus ducto 
confirmavi: non esse cur ob hanc nuperam conjunctionem praecipuum aliquid 
majusque quam superioribus duobus seculis, naturae vi, exspectemus. Nihil 
enim interest ad rerum humanarum statum commovendum, ab igne an ab 
aqua trigonus denominetur: at hic multum interest, multi an pauci planetae 
iique prope an laxe et eminus coeant. Cum enim ea hominis facultas, 
quae capax est harmoniarum inter radiationes coelestes, ipsa quoque det 
hoc homini, ut sit animal sociabile, ipsa nimirum sit fundamentum et prin 
cipium politiarum per singulos sparsum (instinctus enim est potius apud 
homines, quam consilium, in unum coire, Deo providente imbecillitati ratio-