342
ANNOTATIONES EDITORIS
III. OBSERVATIONES QUIDAM ASTRONOMICA.
Continet codex Hauniensis Ant. Coli. Reg. 1831 in4° in foliis 5 observationes
quasdam astronómicas in nonnullis locis Daniae eo consilio factas, ut eorum
poli elevationes inde eruerentur. Scriptae sunt manu Eliae Olai Cimbri, disci
puli Tychonis, qui ipse sine dubio observationes instituerat. Idem scripsit
codicem Vindobonensem lat. 10688 6 , ubi additae sunt observationes paucae,
quae ab illo codice absunt. Hic is erat, qui a. 1584 Fruenburgum missus erat;
vid. tom. X pp. 345—348 et hujus tomi pp. 305—308; idem ediderat Diarium
a. 1586, ad quod descriptionem cometae anni 1585 addidit Tycho; vid. tom.
IV p. 399—407.
Ut has observationes, omnes a. 1589 factas, institueret, hortatus eum esse
videtur Andreas Severini f. Vellejus (Vedel), qui olim praeceptor Tychonis
fuerat, cum in academiis Germaniae litterarum studio se daret, et amicus
ejus semper manebat. Habitabat is Ripis in oppido in occidentali Jutlandiae
parte sito; historicus erat regius et in aede cathedrali Riparum canonicus.
Daniae historiae, quam conscribere animo volvebat, addere voluit regni ta
bulas geographicas; apparet autem e Diario meteorológico Tychonis d. 11
m. Jun. a. 1589 illum et Eliam Hvena simul profectos esse et post tres hebdo
madas eodem revertisse. Idem ex alio codice Hauniensi, Ant. Coli. Reg. 2336
in 4°, perspicitur; qui annotationes continet de hoc itinere et de illis, quae ex
eo effecta erant, factas, quas conscripserunt et Vellejus et alii, inter quos
Elias. Comparari potest etiam epistula Tychonis d. 20 m. Nov. a. 1589 ad
Vellejum data.
Similes observationes a. 1589. 1590. 1592 in Norvegia instituit Petrus Jacobi
Flemloese, qui ipse quoque discipulus fuerat Tychonis. Inveniuntur hae in co
dice Vindobonensi lat. 10716 (»Obseruationes quaedam © et stellarum quarun-
dam fixarum in Noruegia a Petro Jacobo Flemlio factae«). Edidit F. R. Friis:
Peder Jakobsen Flemles , Tyge Brahes ferste Medhjaelper, og hans Ob-
servationer i Norge (Hauniae 1904) pp. 12—14. Et in codice Vindobonensi lat.
10688 4 foll. 2 V et 4 r haec inveniuntur: »Latitudines quorundam Noruegiae lo
corum a Petro Jacobo Flemlio Anno 90 obferuatae: Regia Arx Agershus &
Asloia habent 59° 56' (ex ftella Polari et quibusdam alijs fixis). Hammaria in
ripa maximi profundiBimique lacus Mios fita, quae olim fuit fedes Epifco-
palis, habet 60° 56 ' (ex ftella Polari et quibusdam alijs fixis). Oppidulum Schea
59° 23'; Bergae 60' 27' (ex © le ).« Fuerat ille Hvenae ab anno 1578 (vid. tom. X
passim); a. 1586 Cassellas missus est, ut primam Tychonis epistulam Land-
gravio perferret (vid. tom. VI p. 40,29 cum annot.); paucis annis post hoc iter
Hvenam reliquisse videtur et apud Praefectum Norvegiae medicus factus est.
Hic cum aliquot annos versaretur, Solis et paucarum stellarum fixarum alti
tudines meridianas observavit, ut septem locorum poli elevationes deter
minaret; quarum observationum exemplum Tychoni eum misisse patet.
