ANNOTATIONES EDITORUM 
323 
(natus 1526, mortuus 1598), homo ditissimus et litterarum studiosissimus, 
multos per annos fautor fuit Tychonis. 
ad p. 188,13] Respicit catalogum a Ranzovio confectum, cujus mentionem 
fecimus in annotat, ad tom. VIII p. 412,7. 
ad p. 189,42] »Urbs Stipite didta Rofae«, i. e. Rostochium, ubi Tycho adule 
scentulus cum Ranzovio congressus erat. 
INSCRIPTIONES CRONEBURGENSES (p. 190 sq.) non jam exstant, sed 
monstratur etiamnum tabula in exteriore parte propugnaculi adversus sep 
tentriones spectantis, cui prior inscriptio insculpta fuit; nunc vero evanuit. 
H. GYLLUNFINI nomen (p. 191) mirum est; appellabatur enim ille vir 
Henricus Gyldenstjerne (i. e. »Aurea Stella«), Natus erat hic a. 1540, sororem 
Tychonis Elisabetham in matrimonium duxerat a. 1563, praepositus fuit militi 
bus classicis, ab a. 1574 praefectus arcis Bahusiae, mortuus est a. 1592. 
CARMEN DE CLASSE HISPANLE (p. 192) a Jacobo VI rege Scotiae, cum 
d. 20 m. Martii a. 1590 Uraniburgum viseret (vid. hujus tomi p. 83, col. 1 ,is— 19, 
Tycho accepisse videtur. Ejusdem regis carmina reperiuntur tom. II p. 12. 
DISTICHA DE OBITU FRIDERICI II REGIS (p. 192) duo prima ita facta 
sunt, ut numeri litteris majoribus significati, si summam eorum facias, an 
num mortis 1588 efficere debeant. Verum parum diligenter facta sunt; nam 
e priore evadit numerus 1593, e posteriore 1548. Duo ultima disticha, quae 
ipsum annum produnt, inter se paene similia sunt. 
EPIGRAMMA »IUDICIS EST ADQUI...« scriptum est ad Lagonem (Lauge) 
Beck judicem, qui in lite, quae cum Erasmo Petri colono Tycho habebat, Ty 
chonis causae parum favisse videtur (cf. tom. XIV pp. 57 sqq. 63 sqq.). 
NICOLAI CRAGII »RESPUBLICA LACEDAEMONIORUM« (p. 193) publice 
prodiit a. 1593. 
CARMEN URANIAE TITANI (p. 193 sqq.) Sophiae sororis nomine ad spon 
sum hujus Ericum Lange Tycho scripsit. Nupserat Sophia Brahe a. 1579 
Ottoni Thott, domino praedii Eriksholm, qui mortuus est a. 1588, sed paucos 
post annos fidem dedit Erico Lange, domino praedii Engelsholm, amico Ty 
chonis. Qui cum alchymiae deditus rem familiarem dissipasset, non ante an 
num 1602 Sophiam ducere potuit. A prima aetate fratri Tychoni conjuncta 
erat Sophia et jam a. 1573 in observando deliquio Lunari aderat illi (tom. I 
p. 131; tom. X p. 38), postea vero Uraniburgi saepe eum invisit. Cum litteris 
bene imbuta esset, carmine fratris Latino sine dubio gaudere potuit; sunt 
etiam, qui ipsam carminis auctorem fuisse opinati sint, ut J. L. Heiberg poeta, 
qui carmen in Danicum sermonem vertit (in annalibus quae vocantur Urania 
1846 p. 184 sqq. = Prosaiske Skrifter IX [Hauniae 1861] p. 289 sqq.). At car 
men a se sororis nomine conscriptum esse, Thomae Cragio scribens ipse 
Tycho testatur (tom. VII p. 366 , 22 - 23 ). Nec est, cur epistulam a Sophia Danice 
conscriptam a Tychone in Latinum carmen versam esse putemus, ut voluit 
F. R. Friis (Sofíe Brahe Ottesdatter [Hauniae 1905] p. 15). Exstat epistula