XII
PROLEGOMENA EDITORIS
brevitatis causa »Bartholinum« appellamus. Denique cum mihi non contigis
set, ut e bibliotheca Vindobonensi mutuum sumerem codicem V, in quem
transscriptae erant observationes, eas Historiae Coelestis partes, quas non
praebent codices Haunienses nec Parisienses, meum in usum a. 1911 cum
hoc contulit v. d. H. Krumpholz, qui tunc in specula Vindobonensi astro
nomiae operam dabat; quaedam etiam lucis ope expressa mihi inde trans
missa sunt. Postea vero cum in libris Vindobonensibus plurimi calculi inventi
essent, qui Hauniensibus desunt, complura volumina codicis V Hauniam in
bibliothecam regiam mutuari licuit, ubi alia inspexit Ioannes Raeder, alia
lucis ope expressa sunt. At cum bello ingenti haec opera per longum tempus
impediretur, factum est, ut typographi quoque operam intermittere cogeren
tur, postquam ab autumno a. 1913 usque in aestatem a. 1916 ex libris manu
scriptis, quos adhibitis omnibus collectaneis meis ego ipse confeceram, ob
servationes usque ad exitum anni 1583 typis descriptae erant. Tandem bello
finito, cum autumno a. 1920 volumina Vindobonensia Hauniam mitti pos
sent, typographorum opera resumpta est.
Interea, ut in praefatione Tychonis Operum tomo I praemissa expositum
est, SOCIETAS LINGLLE ET LITTERARUM DANICARUM a. 1911 mihi pro
posuerat, ut observationum Tychonicarum editio pars fieret Operum Ty
chonis omnium , quod ego assensu comprobavi. Cum hac re labor meus in
crevisset, ac multum etiam temporis insumendum esset observationibus ty
pographorum in usum transscribendis, tandem m. Septembri a. 1916 ceteris
omnibus abjectis, cum munificentia Instituti Carlsbergici mihi liceret Tychoni
et rebus ad eum pertinentibus omne tempus tribuere, munere, quo in specula
Armachana fungebar, me abdicavi et Hibernia relicta Oxonii consedi, ubi
studiis ad medii aevi astronomiam pertinentibus maxime opportuna est bi
bliotheca Bodleiana.
SEQUITUR descriptio codicum observationes Tychonicas continentium,
qui quidem adhuc restant; qui ad hanc editionem conficiendam omnes ad
hibiti sunt.
I. CODICES HAUNIENSES.
CODEX A = Ant. Coli. Reg. 1824 in 4°, continet observationes
transscriptas annorum 1563—81.
Forma chartae 20 x 16,5 cm. Involucro recentiore vestitus est. 1 Paginas con
tinet 468, manu recenti numeris signatas. Praeterea omnes quaterniones, quo
rum plerique quaterna, pauci (ut primus) bina folia continent, in ima pagina
prima numerum exhibent manu antiqua scriptum, ab 1 usque ad 70 b. Totus
videtur eadem manu scriptus esse, quae facile legitur. Supra omnes fere pa-
1 Ex principio nominis regii in dorso involucri posito hunc codicem sicut codices K L M P
regnante Friderico VII (1848—63) involucro vestitum esse patet