XXII
PROLEGOMENA EDITORIS
venitur in observationibus Veneris d. 3 m. Mart. a. 1590, ubi observationes
Veneris et Solis longitudines Veneris dederunt, quae ab illis, quae per Alde-
boram repertae erant, 3° 50' differebant. Nempe homo non intellexit, verbis
»inter 9 & O« non significari differentiam ascensionis rectae, sed distantiam
per sextantem.
CODEX N == Ant. Coli. Reg. 1826 in 4°, continet observationes
cometarum.
Forma chartae 21,5 x 17 cm. Consutus est e compluribus fasciculis, qui in
volucro membranaceo rudi (nunc tamen renovato) vestiti sunt. Folia con
tinet 197. Titulum scripsit ipse Tycho his verbis:
OBSERVATIONES
1 COMETARVM
Apparentium
Annis A
CHRISTO
1 1577
2 1580
3 1582
4 1585
5 1596
Hvennae Daniae vbi polus eleuatur
p. 55 M. 54| 2 Longitudo b 37
"B
Vraniburgj
In parte tituli aversa agglutinata est scheda, in qua distantiae cometae anni
1577 a quibusdam stellis indicantur, et praebetur Tabula parallaxeos sextantis.
Cometae a. 1577 observationes primae, omnes Tychonis manu, implent
foll. 2—37. Additiones et correctiones aliquot atramento pallidiore et calamo
exiliore scriptae ipsi quoque Tychoni debentur. In hujus cometae observa
tionibus edendis hoc codice usus non esse videtur Friis, cum verba saepe
prorsus aliter collocentur. Pagina ultima, quam legere non poterat, facile
legitur.
Cometae a. 1580 observationes primae folia implent 38—79. Pleraeque sunt
Tychonis manu, sed foll. 56—58 et paucas praeterea observationes scripsit
Wittichius. Fasciculus fuit separatus, in cujus titulo Tycho haec scripsit: »Ob-
seruationes Cometae I Annj 1580 | mense Octobrj I Vide in hoc cometa aliorum
obseruationes eas examina vtThadaei Maestlinj Maenij Item Friuola Winklerj &
Graminaej«. In octo paginis ultimis agitur de parallaxi cometarum invenienda.
1 Scriptum fuit QVATVOR, quod correctum est in QVINQVE, sed hic quoque numerus
lineis inductus est.
2 Pro 54 primitus scriptum fuisse videtur 51.
