18
THEORIA COMBINATIONIS OBSERVATIONUM
tionem praecisione absoluta non gaudentem determinata est, valor incognitae hinc
calculatus etiam errori obnoxius erit, sed nihil in hac determinatione arbitrio relin
quitur. At si plures quantitates ab eadem incognita pendentes per observationes
haud absolute exactas innotuerunt, valorem incognitae vel per quamlibet harum ob
servationum eruere possumus, vel per aliquam plurium observationum combinatio-
nem, quod infinitis modis diversis fieri potest. Quamquam vero valor incognitae tali
modo prodiens errori semper obnoxius manet, tamen in alia combinatione maior,
in alia minor error metuendus erit. Similiter res se habebit, si plures quantita
tes a pluribus incognitis simul pendentes sunt observatae: prout observationum
multitudo multitudini incognitarum vel aequalis, vel hac minor vel maior fuerit,
problema vel determinatum, vel indeterminatum, vel plus quam determinatum
erit (generaliter saltem loquendo), et in casu tertio ad incognitarum determinatio
nem observationes infinitis modis diversis combinari poterunt. E tali combinatio-
num varietate eas eligere, quae maxime ad rem faciant, i. e. quae incognitarum
valores erroribus minimis obnoxios suppeditent, problema sane est in applicatione
matheseos ad philosophiam naturalem longe gravissimum.
In Theoria motus corporum coelestium ostendimus, quomodo valores in
cognitarum maxime probabiles eruendi sint, si lex probabilitatis errorum observa
tionum cognita sit; et quum haec lex natura sua in omnibus fere casibus hypo
thetica maneat, theoriam illam ad legem maxime plausibilem applicavimus, ubi
probabilitas erroris x quantitati exponentiali e~ hhxx proportionalis supponitur,
unde methodus a nobis dudum in calculis praesertim astronomicis, et nunc qui
dem a plerisque calculatoribus sub nomine methodi quadratorum minimorum usi
tata demanavit.
Postea ili. Laplace, rem alio modo aggressus, idem principium omnibus aliis
etiamnum praeferendum esse docuit, quaecunque fuerit lex probabilitatis errorum,
si modo observationum multitudo sit permagna. At pro multitudine observatio
num modica, res intacta mansit, ita ut si lex nostra hypothetica respuatur, me
thodus quadratorum minimorum eo tantum nomine prae aliis commendabilis ha
benda sit, quod calculorum concinnitati maxime est adaptata.
Geometris itaque gratum fore speramus, si in hac nova argumenti tracta
tione docuerimus, methodum quadratorum minimorum exhibere combinationem
ex omnibus optimam, non quidem proxime, sed absolute, quaecunque fuerit lex
probabilitatis errorum, quaecunque observationum multitudo, si modo notionem