8
THEORIA MOTUS CORPORUM COELESTIUM.
epocha illa usque ad 11 Febr. ab astronomo praestantissimo Piazzi institutae
ad notitiam publicam pervenerunt. Nullibi sane in annalibus astronomiae
occasionem tam gravem reperimus, vixque gravior excogitari posset, ad digni
tatem istius problematis luculentissime ostendendam, quam tunc in tanto dis
crimine urgenteque necessitate, ubi omnis spes, atomum planetariam post
annum fere elapsum in coelis inter innumeras stellulas reinveniendi, unice
pendebat ab orbitae cognitione satis approximata, solis illis pauculis obser
vationibus superstruenda. Unquamne opportunius experiri potuissem, ecquid
valeant ideolae meae ad usum practicum, quam si tunc istis ad determinatio
nem orbitae Cereris uterer, qui planeta inter 41 illos dies geocentrice arcum
trium tantummodo graduum descripserat, et post annum elapsum in coeli
plaga longissime illinc remota indagari debebat? Prima haecce methodi appli
catio facta est mense Oct. 1801, primaque nox serena, ubi planeta ad normam
numerorum inde deductorum quaesitus est *), transfugam observationibus red
didit. Tres alii planetae novi inde ab illo tempore detecti occasiones novas
suppeditaverunt methodi efficaciam ac generalitatem examinandi et compro
bandi.
Optabant plures astronomi, statim post reinventionem Cereris, ut metho
dos ad istos calculos adhibitas publici iuris facerem; verum obstabant plura,
quominus amicis hisce sollicitationibus tunc morem gererem: negotia alia, de
siderium rem aliquando copiosius pertractandi, imprimisque expectatio, con
tinuatam in hac disquisitione occupationem varias solutionis partes ad maius
generalitatis, simplicitatis et elegantiae fastigium evecturam esse. Quae spes
quum me haud fefellerit, non esse arbitror, cur me huius morae poeniteat.
Methodi enim ab initio adhibitae identidem tot tantasque mutationes passae
sunt, ut inter modum, quo olim orbita Cereris calculata est, institutionemque
*) Dec. 7, 1801 a clar. de Zach.